Ад 20.01.2018 нацыянальны аператар электрасувязі «Белтэлекам» павялічыў максімальную суму абяцанага плацяжу з 5,5 да 10 рублёў. Гэтая паслуга дае магчымасць абанентам папаўняць рахункі на суму да 10 рублёў авансам.

На працягу трох каляндарных дзён з моманту здзяйснення абяцанага плацяжу яго неабходна пацвердзіць рэальнай аплатай. Абмежаванняў па колькасці выкарыстанняў «Абяцанага плацяжу» няма, але скарыстацца паслугай можна толькі аплаціўшы папярэдні абяцаны плацёж.

Сэрвіс даступны абанентам byfly, ZALA і пакетаў паслуг у дадатку «Мой Белтэлекам» у раздзеле аплаты, а таксама ў кабінеце карыстальніка ў раздзеле «Плацяжы».