Пайшоў з жыцця народны артыст Беларусі Эдуард Зарыцкі. Пра гэта ў фэйсбуку паведамілі сябры кампазітара. Зарыцкаму было 72 гады.

Эдуард Зарыцкі нарадзіўся 9 лютага 1946 года ў горадзе Красны Кут Саратаўскай вобласці, а з 1948 года ён жыў у Мінску.

Скончыў Беларускую дзяржаўную кансерваторыю па класе кампазіцыі Анатоля Багатырова ў 1970 годзе.

Ён аўтар такіх вядомых песень як «Белыя крылы», «Замова», «Начныя кастры», «Будзьма», «Палыновая ростань», «Лісток календара», «Так прыйшла да нас Перамога».

Таксама Зарыцкі стварыў цыклы на вершы Адама Міцкевіча, Якуба Коласа і Уладзіміра Караткевіча.

У 2006 годзе быў узнагароджаны ордэнам Францыска Скарыны.

Эдуард Зарыцкі быў старшынёй журы на 14 рэгіянальным фестывалі-конкурсе “Адна зямля” ў Вілейцы ў 2013 годзе, пастаянна прымаў удзел у мерапрыемствах фестывалю беларускай песні і паэзіі ў Маладзечне.