Першая сустрэча дыскусійнага клуба “Маладзечна гавора” прызначаная на 16 гадзін у суботу, 1 верасня.
Удзельнікі збяруцца ў адукацыйным цэнтры “Адкрытая прастора” па адрасе: Валынца, 12б/1-1.

На мерапрыемства запрашаюць актыўных неабыякавых жыхароў горада, каб жыццё ў Маладзечне стала яшчэ больш камфортным і цікавым.

На першую сустрэчу дыскусійнага клуба запланаваныя знаёмства, абмеркаванне, чаго не хапае Маладзечну і што можна зрабіць разам.

Яшчэ адным фокусам сустрэчы стане гутарка пра канцэпцыю “крэатыўнага горада”. Наколькі рэальна зрабіць такім Маладзечна, удзельнікі абмяркуюць разам з культурным менеджэрам Ганнай Холад. Менавіта яна стала ініцыятарам і арганізатарам многіх гарадскіх праектаў, у тым ліку летняга фэста “Прышчэпка”.

Калі вы хацелі б далучыцца, калі ласка, запоўніце кароткую форму рэгістрацыі па спасылцы.