Людміла Шкурко перамагла на чарговым этапе гонак па перасечанай мясцовасці «Жук-Трэйл #11», якая праходзіла ля Крэва.
Выпрабаваць сілы вырашылася 14 астраўчан.
У забегу на 21 кіламетр не было роўных Людміле Шкурко. Экзатычную трасу па багністым лесе, палях і прасёлкавых дарогах яна пераадолела за гадзіну і 52 хвіліны, апярэділа бліжэйшую праследавацельніцу на 27 хвілін.
Хвіліна аддзяліла ад запаветнага пастамента Святлану Ванькову, якая фінішавала пятай.
На гэтай жа дыстанцыі кампанію жанчынам склалі Сяргей Чыж (вынік – 1:48.34), Раман Мельнікаў і Веньямін Навумаў, якія занялі 6, 26 і 48 месцы адпаведна.
Удзельнікаў забегу на дзясятым кіламетры чакала неспадзяванка. На адной з ранніх скрыжаваньняў спрацаваў «эфект натоўпу», калі група бегуноў абрала няправільны маршрут руху. Некаторыя з іх павялічылі даўжыню трэка больш чым у два разы. Аляксандр Тумашчык паказаў нядрэннае пачуццё арыентоўкі на мясцовасці, пераадолеўшы «усяго толькі» 16 кіламетраў і паказаўшы чацвёрты час.
Дыстанцыю ў пяць кіламетраў беглі адразу сямёра дарослых удзельнікаў. Бліжэй за ўсіх да пастамента ў выніку апынуліся Настасся Гаслаўская і Наталля Азевіч – 4 і 6 месцы.
• Тэкст даступны на мове: Беларуская
